New posts

Welcome to all New Sikh Philosophy Network Forums!

Explore Sikh Sikhi Sikhism...
Sign up Log in

Reply to thread

Message: <blockquote data-quote="dalvinder45" data-source="post: 225732" data-attributes="member: 26009">                                                            ਬੰਗਲਾ ਦੇਸ਼ ਬਗਾਵਤ ਦਾ ਭਾਰਤ ਉਤੇ ਅਸਰ                                                                      ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲਜਿਸ ਤਰ੍ਹਾਂ ਦੱਖਣ-ਏਸ਼ਆਈ ਦੇਸ਼ਾਂ ਵਿੱਚ ਅਸਥਿਰਤਾ ਵਧ ਰਹੀ ਹੈ ਉਹ ਭਾਰਤ ਲਈ ਵੱਡੀ ਚਿੰਤਾ ਦਾ ਕਾਰਨ ਹੈ । ਪਹਿਲਾਂ ਮਾਇਨਾਮਾਰ-ਬਰਮਾ, ਫਿਰ ਸ੍ਰੀ ਲੰਕਾ, ਫਿਰ ਮਾਲਦੀਵ ਅਤੇ ਹੁਣ ਬੰਗਲਾ ਦੇਸ਼ ਵਿੱਚ ਜਿਸ ਤਰ੍ਹਾਂ ਬਗਾਵਤਾਂ ਹੋਈਆਂ ਹਨ ਅਤੇ ਅਸਥਿਰਤਾ ਦਾ ਵਾਤਾਵਰਨ ਬਣਿਆ ਹੈ ਉਸ ਦਾ ਭਾਰਤ ਲਈ ਇੱਕ ਵੱਡਾ ਚੈਲੇਂਜ ਬਣ ਗਿਆ ਹੈ ਜਿਸ  ਬਾਰੇ ਭਾਰਤ ਨੂੰ ਸੋਚ ਸਮਝ ਕੇ ਲੰਬੀ ਰਾਜਨੀਤੀ ਬਣਾ ਕੇ ਦੁਸ਼ਮਣ ਦੇਸ਼ਾ ਦੇ ਮਨਸੂਬਿਆਂ ਬਾਰੇ ਲਗਾਤਾਰ ਸਾਵਧਾਨ ਰਹਿਣਾ ਪਵੇਗਾ ਅਤੇ ਪੜੋਸੀ ਦੇਸ਼ਾ ਨਾਲ ਸੰਬੰਧ ਸੁਧਾਰ ਕੇ ਅਪਣਾ ਪ੍ਰਭਾਵ ਵਧਾ ਕੇ ਵਿਰੋਧੀਆਂ ਦਾ ਪ੍ਰਭਾਵ ਘਟਾਉਣਾ ਪਵੇਗਾ । ਇਸ ਅਸਥਿਰਤਾ ਦੇ ਮਾਮਲੇ ਉਤੇ ਭਾਰਤ ਨੂੰ ਗੰਭੀਰਤਾ ਨਾਲ ਸੋਚਕੇ ਨਵੀਆ ਵਿਦੇਸ਼ ਨੀਤੀਆ ਦੀ ਲੋੜ ਹੈ।ਸਾਡੀ ਇੰਟੈਲੀਜੈਂਸ ਨੂੰ ਹੋਰ ਚੁਸਤ ਦਰਸਿਤ ਕਰਨ ਦੀ ਲੋੜ ਹੈ ਕਿਉਂਕਿ ਇਸ ਦਾ 1962, 1965, 1999, ਦੇ ਜੰਗਾਂ ਵਿੱਚ, ਮਾਇਨਮਾਰ, ਸ੍ਰੀ ਲੰਕਾ, ਮਾਲਦੀਵ ਅਤੇ ਬੰਗਲਾਦੇਸ਼ ਵਿੱਚ ਫੇਲ ਹੋਣਾ ਭਾਰਤ ਨੂੰ ਬੜਾ ਮਹਿੰਗ ਪਿਆ ਹੇ  ਉਸ ਦੀ ਮੱਦੇ ਨਜ਼ਰ ਭਾਰਤ ਵਿੱਚ ਇੰਟੈਲੀਜੈਂਸੀ ਵਿੱਚ ਵੱਡੇ ਫੇਰ ਬਦਲ ਦੀ ਵੀਲੋੜ ਹੈ। ਸਾਡੇ ਗਵਾਂਢੀ ਦੇਸ਼ ਹਾਕਮਾਂ ਅਤੇ ਪ੍ਰਬੰਧਾਂ ਦੀਆਂ ਕਮਜ਼ੋਰੀਆਂ ਦਾ ਗੰਭੀਰ ਨਿਰੀਖਣ ਕਰਦੇ ਹਨ ਅਤੇ ਛੌਟੇ ਤੋਂ ਛੋਟੇ ਮੁੱਦੇ ਨੂੰ ਵਧਾਉਣ ਭੜਕਾਉਣ ਅਤੇ ਰਾਜ ਪਲਟਾਉਣ ਲਈ ਵਰਤਦੇ ਹਨ ਅਤੇ ਉਥੋਂ ਦੇ ਦੇਸ਼ ਵਾਸੀਆਂ ਵਿੱਚ ਭਾਰਤ ਦੇ ਵਿਰੱਧ ਭਾਵਨਾਵਾਂ ਪੈਦਾ ਕਰਦੇ ਹਨ।ਹੁਣ ਬੰਗਲਾ ਦੇਸ਼ ਵਿੱਚ ਸ਼ੇਖ ਹਸੀਨਾ ਦਾ ਡਿਕਟੇਟਰ ਬਣਨ ਦਾ ਝੁਕਾ ਅਤੇ ਲੋਕਾਂ ਨਾਲ ਸਿਧਾ ਸੰਪਰਕ ਨਾ ਕਰਨ ਅਤੇ ਜਮਾਤ-ਇ- ਇਸਲਾਮੀ ਅਤੇ ਹੋਰ ਪਾਕਿਸਤਾਨ ਪੱਖੀ ਜੱਥੇਬੰਦੀਆਂ ਨੂੰ ਬਖੂਬੀ ਇਸਤੇਮਾਲ ਕੀਤਾ ਗਿਆ ਹੈ ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਇਸ ਅਸਥਿਰਤਾ ਪੈਦਾ ਕਰਨ ਵਿੱਚ ਦੋ ਗਵਾਂਢੀ ਮੁਲਕਾਂ ਭਾਰਤ ਅਤੇ ਚੀਨ ਦਾ ਵੱਡਾ ਹੱਥ ਦੱਸਿਆ ਜਾ ਰਿਹਾ ਹੈ। ਐੱਸ ਜੈਸ਼ੰਕਰ ਨੇ ਸੰਸਦ 'ਚ ਬੰਗਲਾਦੇਸ਼ ਮੁੱਦੇ 'ਤੇ ਗੱਲ ਕਿਹਾ ਕਿ ਸ਼ੇਖ ਹਸੀਨਾ ਨੇ ਬੰਗਲਾਦੇਸ਼ ਦੇ ਪ੍ਰਧਾਨ ਮੰਤਰੀ ਵਜੋਂ ਜ਼ਬਰਦਸਤੀ ਅਸਤੀਫਾ ਦੇਣ ਤੋਂ ਬਾਅਦ "ਬਹੁਤ ਹੀ ਘੱਟ ਨੋਟਿਸ 'ਤੇ" ਭਾਰਤ ਆਉਣ ਦੀ ਇਜਾਜ਼ਤ ਮੰਗੀ ਸੀ। "ਪਿਛਲੇ 24 ਘੰਟਿਆਂ ਵਿੱਚ ਅਸੀਂ ਢਾਕਾ ਵਿੱਚ ਅਧਿਕਾਰੀਆਂ ਨਾਲ ਵੀ ਨਿਯਮਤ ਸੰਪਰਕ ਵਿੱਚ ਰਹੇ ਹਾਂ। ਸ੍ਰੀ ਜੈਸ਼ੰਕਰ, ਨੇ ਇੱਕ ਸਰਬ ਪਾਰਟੀ ਮੀਟਿੰਗ ਵਿੱਚ ਨੇਤਾਵਾਂ ਨੂੰ ਜਾਣਕਾਰੀ ਦਿੱਤੀ, ਜਿਸ ਵਿੱਚ ਉਸਨੇ ਕਿਹਾ ਕਿ ਸਰਕਾਰ ਸ੍ਰੀਮਤੀ ਹਸੀਨਾ ਨੂੰ ਆਪਣਾ ਅਗਲਾ ਕਦਮ ਤੈਅ ਕਰਨ ਲਈ ਸਮਾਂ ਦੇਵੇਗੀ, ਮੈਂ ਇੱਕ ਮਹੱਤਵਪੂਰਨ ਗੁਆਂਢੀ ਦੇ ਸਬੰਧ ਵਿੱਚ ਸੰਵੇਦਨਸ਼ੀਲ ਮੁੱਦਿਆਂ ਦੇ ਸਬੰਧ ਵਿੱਚ ਸਦਨ ਦੀ ਸਮਝ ਅਤੇ ਸਮਰਥਨ ਦੀ ਮੰਗ ਕਰਦਾ ਹਾਂ ਜਿਸ 'ਤੇ ਹਮੇਸ਼ਾ ਮਜ਼ਬੂਤ ਰਾਸ਼ਟਰੀ ਸਹਿਮਤੀ ਰਹੀ ਹੈ," ਉਸਨੇ ਕਿਹਾ। 4 ਅਗਸਤ (ਬੰਗਲਾਦੇਸ਼ ਵਿੱਚ ਵਿਰੋਧ ਪ੍ਰਦਰਸ਼ਨ) ਨੇ ਬਹੁਤ ਗੰਭੀਰ ਰੂਪ ਲੈ ਲਿਆ। ਪੁਲਿਸ ਥਾਣਿਆਂ ਅਤੇ ਸਰਕਾਰੀ ਅਦਾਰਿਆਂ ਸਮੇਤ ਪੁਲਿਸ 'ਤੇ ਹਮਲੇ ਤੇਜ਼ ਹੋ ਗਏ, ਭਾਵੇਂ ਹਿੰਸਾ ਦੇ ਸਮੁੱਚੇ ਪੱਧਰ ਵਧੇ ਅਤੇ ਸ਼ਾਸਨ ਨਾਲ ਜੁੜੇ ਵਿਅਕਤੀਆਂ ਦੀਆਂ ਜਾਇਦਾਦਾਂ ਨੂੰ ਸਾੜ ਦਿੱਤਾ ਗਿਆ। ਚਿੰਤਾ ਦੀ ਗੱਲ ਇਹ ਸੀ ਕਿ ਘੱਟ ਗਿਣਤੀਆਂ ਅਤੇ ਉਨ੍ਹਾਂ ਦੇ ਕਾਰੋਬਾਰਾਂ ਅਤੇ ਮੰਦਰਾਂ 'ਤੇ ਵੀ ਕਈ ਥਾਵਾਂ 'ਤੇ ਹਮਲੇ ਹੋਏ।" "5 ਅਗਸਤ ਨੂੰ ਪ੍ਰਦਰਸ਼ਨਕਾਰੀ ਕਰਫਿਊ ਦੇ ਬਾਵਜੂਦ ਢਾਕਾ ਵਿੱਚ ਇਕੱਠੇ ਹੋ ਗਏ। ਸਾਡੀ ਸਮਝ ਇਹ ਹੈ ਕਿ ਸੁਰੱਖਿਆ ਅਦਾਰੇ ਦੇ ਨੇਤਾਵਾਂ ਨਾਲ ਇੱਕ ਮੀਟਿੰਗ ਤੋਂ ਬਾਅਦ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੇ ਅਸਤੀਫਾ ਦੇਣ ਦਾ ਫੈਸਲਾ ਕੀਤਾ। ਬਹੁਤ ਹੀ ਥੋੜ੍ਹੇ ਸਮੇਂ ਲਈ, ਉਸ ਨੇ ਭਾਰਤ ਆਉਣ ਦੀ ਮਨਜ਼ੂਰੀ ਦੀ ਬੇਨਤੀ ਕੀਤੀ। ਸਾਨੂੰ ਉਸੇ ਸਮੇਂ ਫਲਾਈਟ ਕਲੀਅਰੈਂਸ ਲਈ ਬੇਨਤੀ ਪ੍ਰਾਪਤ ਹੋਈ... ਉਹ ਕੱਲ੍ਹ ਸ਼ਾਮ ਨੂੰ ਦਿੱਲੀ ਪਹੁੰਚੀ।" ਉਸਨੇ ਬੰਗਲਾਦੇਸ਼ ਦੇ ਫੌਜ ਮੁਖੀ ਜਨਰਲ ਵਕਰ-ਉਜ਼-ਜ਼ਮਾਨ ਦੇ ਇੱਕ ਸੰਬੋਧਨ ਦਾ ਵੀ ਹਵਾਲਾ ਦਿੱਤਾ - ਸ਼੍ਰੀਮਤੀ ਹਸੀਨਾ ਦੇ ਅਸਤੀਫੇ ਤੋਂ ਤੁਰੰਤ ਬਾਅਦ, ਸੋਮਵਾਰ ਸ਼ਾਮ ਨੂੰ - ਜਿਸ ਵਿੱਚ ਉਸਨੇ ਕਿਹਾ, "ਮੈਂ ਵਿਰੋਧੀ ਨੇਤਾਵਾਂ ਨੂੰ ਮਿਲਿਆ ਹਾਂ... ਅਸੀਂ ਇੱਕ ਅੰਤਰਿਮ ਸਰਕਾਰ ਬਣਾਉਣ ਦਾ ਫੈਸਲਾ ਕੀਤਾ ਹੈ। ..." ਅਤੇ ਹਿੰਸਕ ਪ੍ਰਦਰਸ਼ਨਾਂ ਨੂੰ ਖਤਮ ਕਰਨ ਦੀ ਅਪੀਲ ਕੀਤੀ। ਬੰਗਲਾਦੇਸ਼ ਦੀ ਸਥਿਤੀ, ਭਾਰਤ ਦੀ ਪ੍ਰਤੀਕਿਰਿਆ ਅਤੇ ਉਸ ਦੇਸ਼ ਵਿੱਚ ਲਗਭਗ 19,000 ਭਾਰਤੀ ਨਾਗਰਿਕ ਹਨ, ਜਿਨ੍ਹਾਂ ਵਿੱਚੋਂ ਲਗਭਗ 9,000 ਵਿਦਿਆਰਥੀ ਹਨ। ਜ਼ਿਆਦਾਤਰ ਵਿਦਿਆਰਥੀ ਜੁਲਾਈ ਵਿੱਚ ਵਾਪਸ ਪਰਤੇ ਹਨ। ." ਸ਼੍ਰੀ ਜੈਸ਼ੰਕਰ ਨੇ ਕਿਹਾ ਕਿ ਸਰਕਾਰ ਭਾਰਤੀ ਭਾਈਚਾਰੇ ਦੇ ਨਾਲ "ਨੇੜਿਓਂ ਅਤੇ ਨਿਰੰਤਰ ਸੰਪਰਕ" ਵਿੱਚ ਹੈ ਅਤੇ ਮੇਜ਼ਬਾਨ ਦੇਸ਼ ਨੂੰ ਸੱਦਾ ਦਿੱਤਾ ਕਿ ਲੋੜੀਂਦੀ ਸੁਰੱਖਿਆ ਪ੍ਰਦਾਨ ਕਰੋ। "ਬੰਗਲਾਦੇਸ਼ ਵਿੱਚ ਸਥਿਤੀ ਅਜੇ ਵੀ ਵਿਕਸਤ ਹੋ ਰਹੀ ਹੈ। ਅਸੀਂ ਆਪਣੇ ਕੂਟਨੀਤਕ ਮਿਸ਼ਨਾਂ ਰਾਹੀਂ ਬੰਗਲਾਦੇਸ਼ ਵਿੱਚ ਭਾਰਤੀ ਭਾਈਚਾਰੇ ਦੇ ਨਜ਼ਦੀਕੀ ਅਤੇ ਲਗਾਤਾਰ ਸੰਪਰਕ ਵਿੱਚ ਹਾਂ। ਇੱਥੇ ਓੁਸ ਨੇ ਕਿਹਾ। ਭਾਰਤ ਉਤੇ ਇਸ ਬਗਾਵਤ ਦਾ ਬਹੁਤ ਵੱਡਾ ਅਸਰ ਪਵੇਗਾ ਕਿਉਂਕਿ ਲਗਦਾ ਹੈ ਪਾਕਿਸਤਾਨ ਵਰਗੀ ਫੌਜੀ ਕੰਟ੍ਰੋਲ ਅਧੀਨ ਨਵੀਂ ਬਣੀ ਸਰਕਾਰ ਬੰਗਲਾ ਦੇਸ਼ ਨੂੰ ਪਾਕਿਸਤਾਨ ਨੂੰ ਗਰੀਬੀ ਵੱਲ ਲੈ ਜਾ ਸਕਦੀ ਹੈ ਜਿਸ ਵਿੱਚ ਪਾਕਿਸਤਾਨ ਅਤੇ ਚੀਨ ਦਾ ਸਿੱਧਾ ਦਖਲ ਹੋ ਸਕਦਾ ਹੈ।ਭਵਿੱਖ ਵਿੱਚ ਭਾਰਤ ਨੂੰ  ਦੋ ਪਕਿਸਤਾਨਾਂ ਦਾ ਸਾਮਣਾ ਕਰਨਾ ਪੈ ਸਕਦਾ ਹੈ। ਚੀਨ ਜੋ ਬੰਗਲਾ ਦੇਸ਼ ਵਿੱਚ ਇਕ ਹਵਾਈ ਅੱਡਾ ਅਤੇ ਇਕ ਬੰਦਰਗਾਹ ਬਣਾਉਣਾ ਚਾਹੁੰਦਾ ਹੈ ਇਸ ਵਿੱਚ ਸਫਲ ਹੋ ਕੇ ਭਾਰਤ ਲਈ ਵੱਡਾ ਖਤਰਾ ਖੜਾ ਕਰ ਸਕਦਾ ਹੈ।ਭਾਰਤ ਲਈ ਬੰਗਲਾ ਦੇਸ਼ ਵਲੋਂ ਰਫਿਊਜੀਆਂ ਦੀ ਗਿਣਤੀ ਫਿਰ ਵਧ ਸਕਦੀ ਹੈ ਤੇ 1971 ਵਰਗੇ ਹਾਲਾਤ ਪੈਦਾ ਹੋ ਸਕਦੇ ਹਨ। ਜਿਸ ਤਰ੍ਹਾਂ ਹੁਣ ਮੰਦਰਾਂ ੳੇਤੇ ਹਮਲੇ ਹੋਏ ਹਨ ਜਿਸ ਕਰਕੇ ਉਥੋਂ ਦੇ ਹਿੰਦੂ ਵੀ ਬਹੁਤ ਡਰੇ ਹੋਏ ਹਨ ਜੋ ਭਾਰਤ ਵੱਲ ਭੱਜਣ ਦੀ ਕਦੇ ਵੀ ਕੋਸ਼ਿਸ਼ ਕਰ ਸਕਦੇ ਹਨ। ਭਾਰਤ ਨੂੰ ਆਈ ਐਸ ਆਈ ਜਮਾਤ-ਇ- ਇਸਲਾਮੀ ਅਤੇ ਚੀਨ ਦੇ ਅਗਲੇ ਕਦਮਾਂ ਵੱਲ ਗਹੁ ਨਾਲ ਨਜ਼ਰ ਰੱਖਣੀ ਪਵੇਗੀ । ਚੀਨ ਅਤੇ ਪਾਕਿਸਤਾਨ ਦੀਆਂ  ਗਤੀਵਿਧੀਆਂ ਉੱਤੇ ਲਗਾਤਾਰ ਅੱਖ ਰੱਖਣੀ ਪਵੇਗੀ  ਅਤੇ ਭਵਿਖ ਦੇ ਕਿਸੇ ਵੀ ਖਤਰੇ ਲਈ ਤਿਆਰ ਰਹਿਣਾ ਪਵੇਗਾ। ਭਾਰਤ ਨੂੰ ਇਸ ਤੋਂ ਸਿਖਿਆ ਲੈਣੀ ਚਾਹੀਦੀ ਹੈ ਕਿ ਸਾਰੇ ਨਾਗਰਿਕਾਂ ਨਾਲ ਬਰਾਬਰ ਦਾ ਵਰਤਾਉ ਕਰਨਾ ਜ਼ਰੂਰੀ ਹੈ ਤਾਂ ਕਿ ਕਿਸੇ ਵੀ ਨਾਗਰਿਕ ਸਮੂਹ ਵਿੱਚ ਕੋਈ ਅਸੰਤੋਸ਼ ਨਾ ਜਾਗੇ। ਸਾਡਾ ਸੰਵਿਧਾਨ ਬਹੁਤ ਹੀ ਵਧੀਆ ਹੈ ਤੇ ਇਸ ਤੋਂ ਵੱਖ ਵਿਚਾਰ ਧਾਰਾ ਲੰਮੇ ਸਮੇਂ ਵਿੱਚ ਬੜੀ ਹਾਨੀਕਾਰਕ ਹੋ ਸਕਦੀ ਹੈ।ਲੋਕਾਂ ਨਾਲ ਲਗਾਤਾਰ ਸੰਪਰਕ ਰੱਖਕੇ ਉਨ੍ਹਾਂ ਦਾ ਪੱਖ ਦੇਖਕੇ, ਉਨ੍ਹਾਂ ਦੀਆ ਤਕਲੀਫਾਂ ਸਮੇਂ ਸਿਰ ਦੂਰ ਕਰਨੀਆਂ ਚਾਹੀਦੀਆਂ ਹਨ।ਬਹੁ-ਪੱਖੀ ਅਤੇ ਘੱਟ ਗਿਣਤੀ ਵਿੱਚ ਕੋਈ ਵਿਤਕਰਾ ਹੋਣਾ ਚਾਹੀਦਾ ਹੈ ਤੇ ਨਾ ਹੀ ਧਰਮਾਂ ਅਨੁਸਾਰ ਕੋਈ ਵਿਤਕਰਾ ਹੋਣਾ ਚਾੀਦਾ ਹੈ ਅਤੇ ਸੰਵਿਧਾਨ ਦੀ ਧਾਰਾ 25 ਨੂੰ ਹੂ-ਬ-ਹੂ ਲਾਗੁ ਕਰਨਾ ਚਾਹੀਦਾ ਹੈ।</blockquote>

Verification